| 九月二十四日 尼盤野真係幾大單，廿一歲仔都係第一次一日之內坐完白車再坐警車...但係同之前一樣都唔係好好坐... 話說下午三點左右啦，我同CARMAN就PATROL啦，行行下既時候去到電腦個邊聽到CARMAN話有個男人耳機開到好大聲吵住其他人，甘我就過去「先生，可唔可以細聲ｄ？」點知個男人唔理我，仲要勁串嘴係度發出怪聲，幾想一巴車過去丫... 之後叫CARMAN搵人黎幫手，JACKY就過左黎請個男人熜細聲ｄ。佢個陣見我地多人應該已經好唔知點，就開始拍枱扔MON爆粗，仲講咩「我唔撩你你地做咩黎撚撩我？」「信唔信我打你砍你丫拿」之後場面開始不受控制，想衝過去JACKY，同時間我都差Ｄ比佢踢中幾腳。甘JACKY見到甘就行開打９９９，佢見到JACKY報警就想拎起張橩丟人，我就上前按住佢同夾住佢兩隻手，我禁左佢有一段時間ｄ實Ｑ先過黎幫我手lor... 甘將個場交比實Ｑ睇之後我同JACKY入書庫同館長交帶件事，等到警察上埋黎講左一大輪野之後就決定落案起訴過男人。原來聽其他同事講尼個男人已經唔係第一次黎，只不過之前冇搞得甘大單姐。聽我地section既總管講，點都要整鑊大野比個男人嘆，今次就話有我係度姐，下次係其他同事或者係女同事既話就唔知點收科嘛。 決定左之後我就執行裝坐白車去醫院驗傷，好彩我帶左PSP，如果唔係一定悶死我！醫院個度仲想收我一百蚊，大佬，我好歹都係有差人叫我過黎，又唔係冇差紙，甘你都要收錢？玩野咩。我就叫左駐院警察通知負責既警隊，要警察親自入去講先得lor... 驗完傷冇咩野之後就坐警車送我去灣仔警署落口供，原來我都幾大牌～～去到差館叫返個男人死晒狗甘坐左係度，打晒手指摸，都知咩事啦。落埋份口供就走得，聽到阿sir話會起訴佢刑事恐嚇同意圖傷人，下一日就要上庭，所以就要係差館訓一晚... 搞掂左之後就返中央簽走，返到去先知原來同事係counter睇閉路電視睇到成件事既發生～可惜睇唔返我自己既英姿呢～～ＸＤ |
| |
| 公共圖書館醞釀罷工 文書職系不滿待遇 下最後通牒 (明報)2009年9月8日 星期二 05:05 【明報專訊】康文署 轄下公共圖書館的數百名文書職系員工，不滿管方厚此薄彼，只讓館長職系員工「五天工作」，以及要他們兼顧執書、清潔 、抹電腦屏幕等工作，有員工早前向康文署管理層哭訴無效，工會遂採取進一步行動，向剛履新的康文署長馮程淑儀下最後通牒，稱若署方不與工會開會商討，工會將於本月中發起「野貓式」罷工，屆時或有圖書館的借書還書服務受影響。 指被額外要求執書架抹屏幕 有份參與行動、在新界區圖書館工作的助理文書主任李小姐指出，政府近年提倡五天工作周，而館長職系早已落實，文書職系員工透過編更也希望落實計劃，但管方遲遲不批准；另文書職系同事近年被要求兼顧額外工作，包括整理書架、清潔書桌及電腦屏幕等，「有些是文化工作助理員的工作，有些是清潔阿姐可以代勞，但都要我們做」。 李小姐坦言，明白罷工或有反效果，非不得已也不想行這一步，「我都擔心市民不明白，但只要擺事實出來，指出不公平的地方，他們會諒解」。 斥「五天工作制 」厚此薄彼 香港文書職系公務員總會會長梁籌庭上周五去信康文署長馮程淑儀，指斥管方處理五天工作周一事厚此薄彼，要求署方盡快與工會代表開會，否則不排除在本月中進行激烈的工業行動。康文署轄下有超過60間主要及分區圖書館，梁稱會按需要選擇個別圖書館行動，以突襲形式罷工。 梁籌庭指出，圖書館除了館長職系及文化工作助理員職系員工，還有文書職系，惟前兩者均屬康文署，而來自一般職系處的文書職系猶如「孤兒仔」，長期被管方不合理對待。 署方：已兩次研五天工作可行性 康文署發言人回應罷工會否令圖書館暫停服務時稱，深信同事本著服務市民的宗旨，會做好分內工作，圖書館會因應情况採取適當措施。 發言人又稱，署方已兩次研究圖書館前線人手推行五天工作周的可行性，但認為未能做到不涉額外人手、不減員工規定工時、不減緊急服務、維持必需的櫃台服務等原則，署方理解員工的訴求，因應33間圖書館因延長服務時間而獲增撥人手（17名圖書館助理館長及58名助理文書主任），署方會探討在此情况下實施五天工作周。 明報記者 施嘉雯 |
| |
| 好耐冇更新過啦～ 今日係美足比賽，CRIMINAL對天水圍獵鷹．當然係我地CRIMINAL嬴啦～
同上一次比賽岩岩好係兩個月，亦都代表我玩美足已經兩個月．
相比兩個月之前既我嘛，我應該都算係一個稱職既ＯＬ掛？起碼我都算有意識去保護後面Ｄ人，之前既我只會係去撞，撞同撞人...
以後要努力，加油！ 就連動漫節都過左啦，雖然去左五日，但係只係出左三日...雖然去左五日，但係入場五日都冇比個錢...
去到而家都未收齊相，所以只貼少少～  
|
| |
| 萬歲～
終於考完試啦～
希望唔使補考希望唔使補考希望唔使補考希望唔使補考希望唔使補考..................... 考完試之後嘛，返工搵工返工搵工... |
| |
